Panton nasehat

Jak hai rakan ta meu panton bacut.

Seni di aceh rapa'i rincong
Meunyoe peh bak lhoeng seudati nama
Laen nibak nyan pulang bak kawoem
Aci neu sambong babak pertama

Alhamdulillah syukur keu rabbon
Kata lon suson beujeut keu makna
Geutanyoe aceh jithei ngoen panton
Beudoh rakan lon bak seni budaya

Kuneng kuneng pade dalam blang
Tapi that sayang ka tuloe pajoh
Umu ka tuha hudep lam lajang
Cukop that sayang judo golom troeh

Jipoet angen coet uroe timang
Peu'ek seulayang u langet tujoh
Meubagoe cara kaleuh ulon paban
Peut boh tunangan mandum ka putoh

saleum that lambong keu mandum rakan