📝 [PANTON ACEH] #7 : ANUGERAH TUHAN BRIE

"Anugerah Tuhan Brie"

Salam'alaikum dari lón tuan
Keu mandum insan Steemians nama
Bak Tuhan sidrôe Winda harapkan
Beu sehat badan mandum syedara..

Geutanyôe hudép rahmat bak Tuhan
Ngên nikmat sajan Allah kurnia
Keu nikmat Islam tanyôe syukurkan
Beu sehat badan tanyôe meudo'a..

Tanyôe Muslimah Allah kurniakan
Meunan sit taulan di Muslim nama
Timu ngôn barat laôt dan pekan
Gunông dan alam Tuhan empunya..

Bah pih Muslimah wahé ê rakan
Keu pesan Tuhan beugêt tajaga
Keu laôt biru alam hijauan
Ta sayang insan tapapah beuna..

Beugêt tajaga amanah Tuhan
Beuna tasayang sihijau nama
Bek sampé layê tumbang hanaban
Beudóh hai intan alam tajaga..

ie laôt biru ceudah rupawan
Cantek gelombang dipandang mata
Cukôp that indah ciptaan Tuhan
Geu hias alam lagak lagoina..

Alam yang ijôe jeut sehat badan
Udara terbang segar lagoina
Jiôh peunyakèt banjir ngên taufan
Geutayôe insan sehat semua..

Jipót lé angén seupôi hanaban
Ôn kayé rindang iepôt angén ba
Kaséb ban ôhnô ulôn syaékan
Bak akhé salam mandum semua..

---

Best Regard W & M..

---