Syarat dan Ketentuan Kontes

• Resteem post nyo (tujuan jih untuk promosi kontes nyo ke mandum rakan - rakan steemit)
• Peugot saboh panton dalam bahasa aceh beuna kata - kata "TIMPHAN" lam panton nyan (paleng kureng saboh bait).
• Pantoen yang kaleuh neupegot ne post bak komentar post nyo.
• Pantoen harus karya dro dan hanjet jiplak bak buku atau internet (belum pernah dipublikasi)
• Pantoen hana payah panyang yang penteng bermakna
• Wate jih 15 jeum mulai postingan nyo kamo terbitkan.
• Tema Bebas

Hadiah

• 3 boh panton terpilih akan merempok hadiah dari kamo.
• Hadiah jih berupa vote dari kamo sekitar 0.50 - 1.00 SBD

Sponsor

• @iamfo
• @harjuky
• @rejacole

PENGUMUMAN KONTES PANTOEN 1

---

- @munawirawin

Apam lam Nanggroe

Salam'alaikom rakan meutuwah
Muslim muslimah mandum syiara
Dinanggro aceh seurambi meukah
Nanggroe syuhada para aulia

Bacut lon rawi bak rakan rakan
Cuma piasan keu ubat matA
Di aneuk dara apam jualan
Murah murahan lagot lagena

Apam di aceh di obral murah
Keupeng kuliah di aneuk dara
Suai akhirat hana masalah
Nyamban ka parah ileume hana

Hana ji tupue keu hukom tuhan
Dalam alquran FATWA ulama
Didalam hadis wahe e tolan
Hinan neupeutrang jelah lagena

Cara jipublo sebbrt le macam
Sebbrat le apam di ibukota
Bebe tapeusi jipublo malam
Keu aneuk agam peujabat kadang na

Han ek tapike di tanyo awam
Keu suay yak tham hana kuasa
Keuhukom naggro syariat islam
Hukom lam alam aceh mulia

Etno keuh mantong haba lon tuan
keurakan-rakan bagi yang baca
Tannyo meulake bak sidro tuhan
Mudah-mudahan geuampon dosa
Karya : @munawirawin

-@helmidvallen

Kueh apam jameun vs kueh apam jino

Tajak u aceh beutroh u teumpat
Sinan meusapat mandum syedara
Wahee rakan adat beu meteumpat
Bek sagai digata salah narit teuma

Makanan jameun jino ulon neuk peusaheh
Bek sampee kelua narit hana meupat punca
Jino lon peugah bak kaom dan wareeh
Nan jih kueh apam lempah mangat lagoina

Jameun teuka ka laen caritra
Apam yang ta preh-preh jino ka meu tuka
apam jameun geupegot le cuda-cuda
Teuma lawet nyo ka meubalek cara

Geuboh tamselan nibak jino masa
apam lawetnyo ka di publo-publo le aneuk dara
Menye masalah hareuga jeut ta meucara
Nyang peunteng apam beu lagoet sigra

Sayang that keu apam-apam yang geupegot le cuda-cuda
Nyang hawa pajoh ka hana le roh meupeutaba
Sebab kana apam nyang leubeh gura
Nyang mangat ta cuba dan mangat tarasa

Tapi ulon cukop keucewa
Nibak lon dingee lagee nyo beurita
Paken akai sihat ka ha le di peuguna
Peukeuh jameun nyo ka akhee masa

Ulon peugah keu gata-gata aneuk dara
Tapikee dua goe untok keuputusan gata
Sunggoh nyan jalan nyang hana geuridha
Mita raseuki nyang halal manteng le cara

Akhee caritra beusama-sama ta jaga geuneurasi bangsa
Meubek roh meupeubut lagee nyang keujadian nyang ka ka
Jino geutanyoe ta leung jaroe ta meudoa sama-sama
Supaya ATJEH nyoe beujioh nibak bala

Amien ya rabbal alamin...

- @irwandi

Apam Bek Le Jit Piasan

Di Kota Sigli na Blang Hasan
Kota Kandang di Lhokseumawe raya
Ke soal Apam bek le jit piasan
Jak tatop saban, bek male ngen syedara

Tajak u Sigli na Kanto Pendopo
Sideh di Lamlo na Penjara
Pakon Apam Online jit lheh lagoe
Sang na roeh mecawe lam pingan raya

Kon lon kheun ke sidroe-sidroe
Sebab yang tuwoe payah pejaga
Keu soal Apam hana le jipublo
Ta yu peugot kudro bak mak siyak ngen mawa

Beleun Rajab pih karap lalu
Bek le mungui piasan lama
Nyo Ramadhan karap berlaku
Beluen tathen bu ngen peugleh dosa

Seulamat kepada para pemenang, 3 pantoen terpilih merempok vote 100 % dari para sponsor. Dan kepada pantoen yang hana terpilih mendapatkan 20 - 60 % vote .

Kamo mengucapkan Terimong Genaseh yang that lambong kepada rakan rakan man mandum yang ka berpartisipasi bak acara nyo

Gadoh Aneuk Meupat Jerat, Gadoh Adat Hana Pat Tamita