Tulo ka mga Steemit user nga akong Gi-idolo

Sa lapas usa ka buwan nako nga pag-apil ani nga plataporma, aduna gyud ko'y mga tawo nga matood kong gi-idolo. Pero lisod gyud kaayo mamili lang ug tulo. Sa kadaghan ba intawn nakong mga tawo nga gidayeg, dili gyud sayon nga pilian ra sila ug tulo. Kung pwede pa lang gani sila tanan. Apan tulo lang man gyud ang gipangita, ako jud silang gipili sumala sa akong pinaka-paborito. Mao kini sila:

@ryunamist

Siya mao ang akong dangpanan sa akong ipasusi nga mga artikulo. Siya ang sood kong higala nga sobra ka-maayo mo-sketch. Ako siyang gi-idolo tungod usab kay maayo siya mohimo ug mga storya nga basahon. Magkasinabot gyud kami sa mga istorya nga basahon ug halos pareho kami ug mga hilig buhaton sa libre namong oras. Tungod kay nakaila nako kaniya sulod sa duha ka tuig, makasulti jud ko nga angay kaayo siya sa akong pagdayeg.

@jassennessaj

Sulod sa lima ka tuig nga nakaila nako si @jassennessaj, dinhi lang gyud nako sa Steemit nahibaw-an kung unsa gyud ang iyang mga nabuhat nga maangay ug makatabang sa komunidad. Usa siya sa akong mga gi-idolo kay nitabang gyud siya nako sa pagpasabot kung unsa jud ni ang Steemit. Sa iyaha gyud ko modangop kung naa ko'y mga pangutana mahitungod sa plataporma. Ug sa iyang mga tubag, daghan kaayo ko ug nahibaw-an.

@vermillionfox

Siya ang akong gi-idolo tungod kay gihatagan ko niya ug higayon nga mapakita ang akong talento pinaagi sa iyang mga pa-kontest pinaagi sa pagsuwat. Tungod kay ako may pagka-tapolan sad usahay, dako jud kaayong tabang kanako ang iyang usa ka paragrapo nga pa-kontest. Usa pud sa hinungdan nganong gi-idolo nako siya mao ang iyang pagka-maayo sa pag-sketch.

Ug dinhi na lang kutob, salamat sa pagbasa.
@tinagwapa