Panton atjeh sastra indatu

,,,SeubaB Hobbi,,

ngeon Bismillah,peuphoen rawi.
pujoe Rabbi, yang peungaseih.
ngeon kuasa, po ILLahi.
sehat neubi, tanyoe wAreih.

manduem sahbat,muda mudi.
saleum loen bi,hana meuceih.
dusoen kuta, glee ngeon pasi.
loen harga-i , tubai lipeih.

dalam hudeip, ciet na hobbi.
macam dali, jeut neu pateih.
ladoem galak, bak meurawi.
seubab hobbi,bak teumuleih.

na ciet kadang, adek putri.
di jieh hobbi, mukat kuweih.
na yang geuba,deungeon gari.
lam tabeusi, duem meulapeih.

hobbi bola, laein loem hi.
ciet bak tivi, nonton habeih.
na ronaldo, deungeon messi.
balotelli, cukoep puteih.

na yang ladom, hai fans seuni.
goebnyan hobbi, kawe ileih
malam uroe, ta peurati.
beuneung sangsi,na dalam keih.

ladom cut kak, laein lagi.
geu gemari, artih inggreih.
pasang foto, nibak eFBi.
cowok hindi,lhat bak binteih.

macam galak,macam hobbi.
macam bukti, dinoe di deih.
na yang galak, beujai gaji.
lam provesi, ka meulanggeih.

ladom meuheut,na kurusi.
calon diri, reot partai jeih.
na yang galak,bak korupsi.
duem meugari, akhe peudeih.

bak jeumeun nyoe, macam dali.
jai that hobbi, bak buet paleih.
ka meunyimpang, hukom Rabbi.
dalam rawi, deungeo ma teih.

contoh jinoe,yang teurjadi.
nyeo ta kaji,cukoep seudeih.
hobbi maboek,deungeon judi.
keubiet ngeri, cukoep jayeih.

teumpat maksiet,jeut lokasi.
duem ka basi, bungoeng tan gleih.
putiek jeumpa, gadeoh suci.
di khanduri, buet si gadeih.

ladom galak,keu pancuri.
cue keubiri, teungeoh di eih.
seubab jinoe, wahe dek ti.
jai pancuri, cukoep canggeih.

seubab meuheut, buet yahudi.
larang Rabbi, han di pateih.
na yang teler, ie nasrani.
karna hobbi, lewat gareih.

ingat_ingat, hati_hati.
jaga gaki, neubloeh bak gleih.
dalam duroe, beik neu ili.
akhe pasti, teutop gateih.

salah jalan, reot keu keji.
neukeumbali. neu peupuleih.
beik neugalak,buet P K I.
beik neu hobbi, buet meulanggeih.

kaseip dilei,loen akhiri.
laein kali, samboeng sigreih.
dak hana pais, neumaklumi
meurnoe rawi, ato bareih.

nyeo han cocok,langsoeng neu li.
beik neucaci, muge bileih.
wahe gurei,admin PASI.
seubab hobbi, loen hai gaseih.