Hikayat Muda Seudang, Pt. 40; Hana Meuphoum

SEUNAMBONG CEURITA

Tinggailah bungong jioh di gampong
Meubalout ngon sarong sigala punca
Teuka angen pout rihoun peusambong
Punoh lah jantong deungon asmara

Riwayat punca ka lon ba lam rantoe
Meujeut keu gantoe bak pandang mata
Tamsee meuhaba meukeu hai adoe
Jeut keuh lon lumpoe 'oh malam jula

Peutrouh hai angen haba nyang meusyeuhu
Lam bideung rindu meurinthak jantong
Peutrouh peusampoe keu bintang timu
Bek keuh gadoh hu hai bungong jurong

'Oh lheueh nyan geu iem di Muda Seudang
Sayu geupandang arah u nanggroe utara
Teugroup teukeujot nyak Muda Seudang
Na sue nyang lantang geukalon sigra

Dum nan keuh rayeuk rihoun di cut bang
Sampoe neu dindang asoe lam dada
Watee geukalon le Muda Seudang
Si aini bintang nyang peukoh haba

Hana lon sangka hai cut bang Muda
Rayeuk that rasa keu cut kak bungsu
Neu jaweueb jinoe wahee e kanda
Kiban keuh jeulita si bintang timu

Alahai intan kiban keuh lon peugah
Rupa jih ceudah saban ngon gata
Kon suai puteh atawa rupa ceudah
Leupah meusosah bak ta ceurita

Ramee nyang ceudah bungong lam nanggroe
Le that meubagoe seutinteung mata
Nyoe ka meukeunong ngon bungong mawoe
Kiban taneuk pakoe keu bungong jeumpa

Meunan chit ulon hai siputik panjoe
Lon turi dudoe watee geupeujeumba
Bak phoun lon kalon meuchop lam asoe
Rasa meupasoe meupeundam lam dada

Doa bak Allah beumeuhase bak buet
Beu lon teumee kuet keunari tujoh rupa
Meuheut lam rumoh tangga beumeulanjut
Meunan hai bungong cut cita lam dada

Bak deungo haba aini ka meukunok ulee
Meutumpang singkee ka rhou ie mata
Indah cut bang e sang kisah seurunee
Peuleungkap jinamee po bungsu seutia

Lheueh nyan ji beudoh bagah si aini dara
Tinggai nyak Muda nyang gohlom meuphoum
Beudoh di Muda jak cok si lantang guda
Jak meu'en sigra ngon peugadoh rihoun

Geujak taloe krueng di tingkeum manyang
U wie geu riwang peutrouh bak kuta
Sang hawa kupi di nyak Muda Seudang
Geusasah pandang lam sagoe kuta

Bak ujong jurong na saboh keude kupi
Ureueng pih seupi gohlom ramee trouh
Geutamong lanja geupeusan ie kupi
Geuduek bak kursi nyang agak jioh

Assalamu'alaikom hai aneuek muda
Kiban keuh haba alamat lintang
Geupaleng nyak Muda balah saleuem na
Bak geukalon rupa ka abu nyang mee jang

Jrouh that e abu lon sihat seujahtra
Kiban chit haba pu hana neuba jang
Haba meusamboung ureueng nyan dua
Hana teurasa kana deuh su ureung bang

Jak hai abu bagah tajak seumbahyang
Lheueh nyan beurijang keunoe ta gisa
Anggouk di abu ngon hatee seunang
Jipakat seumbahyang le ureueng muda

Teubiet bak meusijid 'oh lheueh seumbahyang
Bagah that geu riwang bak keudee kupi
Sang brat that simbhan ceurita abu ba jang
Sampee nyak Seudang lalee han sakri

MEUSAMBONG

Bek tuwoe neubaca chit ata awai mangat meuho uram ngon ikue;

• Bhah lhee plouh sikureueng Rihoun
• Bhah lhee plouh lapan Meujangeuen
• Bhah lhee plouh tujoh Cemburu
• Bhah lhee plouh nan Rumoh Mawa 5
• Bhah lhee plouh limong Rumoh Mawa 4
• Bhah lhee plouh peut Rumoh Mawa 3
• Bhah lhee plouh lhee Rumoh Mawa 2
• Bhah lhee plouh dua Rumoh Mawa
• Bhah lhee plouh sa U Tingkeum Manyang
• Bhah lhee plouh Lam Perjalanan 3
• Bhah dua plouh sikureueng Lam Perjalanan 2
• Bhah dua plouh lapan Lam Perjalanan
• Bhah dua plouh tujoh Ulang Kisah
• Bhah dua plouh nam Bak Cut Ti Hayat
• Bhah dua plouh limong Meupisah
• Bhah dua plouh peuet Ziarah Kubu
• Bhah dua plouh lhee Jak Ziarah
• Bhah dua plouh dua Sahabat Pang Juhang
• Bhah dua plouh sa Han Sep Beulanja
• Bhah dua plouh Jak Bloe Guda
• Bhah sikureueng blah Langkah Phoun
• Bhah lapan blah Ie Mata Bungsu
• Bhah tujoh blah Meurumpok Ngon Guree
• Bhah nam blah Jangeuen Asmara
• Bhah limong blah Reuncana Keulana
• Bhah peut blah Nanggroe Ujong Utara
• Bhah lhee blah Tujoh Uroe Tujoh Malam
• Bhah dua blah Nasehat Poma
• Bhah siblah Senue
• Bhah Siploh Keunari Tujoh Rupa
• Bhah sikureueng Syarat Nikah
• Bhah lapan Haba Bahgia
• Bhah tujoh Aneuek Bungsu
• Bhah nam Mula Inti Ceurita
• Bhah limong Masa Abege Dua
• Bhah peuet Masa Abege Sa
• Bhah lhee Muda Lam Ayon
• Bhah dua Awai Phoun Mula
• Bhah sa Muqaddimah