Word Poetry | "Ikaw at ako sa lugar na tayo"

pinagkunan ng larawanan

Mga ala-ala ng nakaraan na ipinagpalagay ko na lang na ang lahat ay kathang isip lamang..

Ani mo'y mga kwento sa bawat pahina ng parabulang aklat na naglalaman ng mga walang kulay na larawan ..

Na ang tanging bida ay si ikaw at si ako habang patungo sa hindi malamang lugar na tinatawag nilang "Tayo"

Nais na makasama ka sa bawat pag hakbang nitong mga paang nag uunahan ..

Inaasam na makakamit ang dulo ng hindi nararating ang hangganan ..

Sa dulo kung saan may ikaw at ako, doon sa lugar na "Tayo"

Hangganan na hindi sasapitin dahil may kamay na kakapitan at balikat na sasandalan ..

Kampante sa pag lalakbay si ako na binusog ang sarili sa mga litanyang inihain sa akin ni ikaw..

Umasa si ako na kahit ano ang hirap na pagdaraanan sa ating pag lalakbay ay hinding hindi iiwan ni ikaw si ako ..

Masaya, sobrang saya.. na sa bawat mararating natin ay punong puno ng ala-ala na hindi matutumbasan ng anumang halaga ..

Na kahit pa masugatan ako sa bawat hakbang o mahirapan ay hindi umiinda dahil sa bawat mong ngiti ay may kalakip na saya ..

Ngunit nanaig parin ang mga akda sa unang saknong kung paano ko inumpisahan dahil ang lahat ng ito ay ..

Mga ala-ala na lamang ng nakaraan na ipinag palagay ko na lang ang lahat ay kathang isip lang ..

Maraming salamat sa pag babasa, nawa'y inyong maibigan