Greebo ke liye ye bima hai behtar

Hello Dosto, Kal maine aap ko ek bima policy ke baare me bataya tha jo sarkar ne gareebo ke liye shuru ki thi. Aaj ek aur bima ke baare me main aap ko bataunga jo sarkar ne shuru ki hai gareeb logo ke liye. Ye bhi bima bahut achha hai aur jinko nahi pata hai unko to ye post padhna hi chahye. Iss se pahle main aap se ye kahunga ki meri pichli post ko padhna na bhule. 

img src

Iss bima ka naam hai Jeevan Jyoti Bima Yojana iss ko Modi ne launch kiya tha. Ye bima bhi unke liye bahut achha hai jo gramin ilaake ke hai aur budhaape me sahara mil jaayega. Chaliye iss yojana ke baare me main aap ko vistaar se batata hoon. 

Umar kitni honi chahye

Sab se pahle hum baat karte hai ki ye bima lene ke liye kitni umar honi chahye. Iss bima ko lene ke liye 18 se 50 saal ke beech me aap ki umar honi chahye tab hi aap iss bima ko le sakte hai. 18 saal se kam age waale iss yojana ko nahi le sakte hai aur 50 saal se jyada ke age waale bhi iss bima ko nahi le sakte hai. 

Kitna dena hoga premium

Ab baat karte hai premium ki to bhai iss me har saal iss me aap ko 330 rupya ka premium bharna padega. Maine jo pichla bima ka bataya tha usme kewal 12 rupya hi premium they aur iss me 330 rupya premium hai lekin ye bhi achha hai aur gareeb logo ko ye wala jarur pasand aayega. 

Kitna milta hai rakam

Iss me bima karta ki mout hone par uske parivaar waalo ko 2 lakh rupya milega. Jara sochiye dosto aap ke yaha kamaane wala ek hi banda ho aur wo aap ho aap ki mout ho jaaye to fir aap ka parivaar to sadak par aa jaayega na. Ye 2 lakh rupya agar usko milenge to iss se wo kuch na kuch to kar hi lenge. 2 lakh me koi business hi shuru kar sakte hai aur khud kama ke khaa sakte hai. Isliye ye wala bima har gareeb ko lena chahye. 

Ye bima bahut hi achhi hai aur sab ko pasand bhi aani chahye saal me 330 rupya hi dena hai aur ye koi badi rakam nahi hai. Itna se agar aap ki parivaar khushi se rahta hai to aap ko aur bhi khushi hogi marne ke baad. Meri pichli post bhi padh lena usme bhi maine aap ko ek policy ke baare me bataya hai wo bhi aap ko jarur pasand aayega.