Tagalog Serye- Ikalawang Edisyon Pangatlong Bahagi ng Ikalawang Pangkat

Magandang araw sa inyong lahat!

Ako ay naeexcite na ihatid sa inyong lahat ang pangatlong bahagi ng dugtungang kwento mula sa pangalawang pangkat. Sana ito ay magustuhan ninyo!

---

Pinagkunan

Halos na mabasag sa pagkakahawak ni Don Norman Serrano ang basong naglalaman ng mamahaling red wine. Hindi matigil-tigil na pumapadyak ang kanyang mga paa na nagpapakita kung gaanong hindi siya mapakali.

“Hindi maaring ma-bankrupt ang kumpanyang itinaguyod ng pamilya namin ng ilang henerasyon.” Turing niya sa sarili habang binabasa ang reports ng finance and audit department ng Serrano Group of Companies. Nakakunot na ang kanyang mga noo sa kakaisip kung paano niya maso-solusyanan ang problemang hinaharap ng kanyang pamilya.

Napag-isipan niyang dumaan muna sa sementeryo bago dumiretso pauwi at bisitahin ang mga labi ng kanyang mga yumaong magulang. Habang namimili siya ng bulaklak ay nahagip niya ang dalang basket ng isang matanda at dali-dali niya itong tinulungan.

Nabigla siya ng mahigpit siya nitong hinawakan sabay sabi ang mga katagang;

“Ang iyong puso at isip ay nababatid kong balisa. Naririnig ko ang sigaw ng iyong kaluluwa at nais kong ikaw sana ay tulungan.” Wika ng matanda sa kanya.

Bakas ang pagkalito sa kanyang mga mata kaya nagsalita muli ang matanda.

“Heto ang pulang singsing. Sa pagdating ng kabilugan ng buwan, ibigay mo ang hinihiling nito kapalit ng iyong nais makamit.”

Pinagkunan

Balisa man siya at nahiwagaan sa tagpong iyon kasama ang matandang babae, pilit niya itong winakli sa isip niya. Desperado siya sa sitwasyon na pinagdaraanan ng kanilang negosyo ngunit hindi niya kayang paniwalaan ang sinasabi ng matandang iyon.

Dumaan ang ilang araw at aburido pa rin ang utak ni Don Norman hanggang sa dumating ang kabilugan ng buwan at napansin niya ang pag-aninag ng pulang singsing.

“Ibibigay ko sayo ang kayamanan kapalit ang mga buhay ng pitong babae.” Bulong ng isang anino sa kanya.

Pinagkunan

“Gawin mo ito at sa isang kurap ay magiging pinakamayaman at pinaka makapangyarihan kang nilalang sa buong mundo.” Pagka wika ng anino nito ay bigla itong nawala kasabay ng pagkawala ng ilaw ng singsing.

Beep, beep beep…

“Hello Sir, I am so sorry to call you at this hour but you are needed in the office.” Tila nagmamadaling sabi nito sa kanya.

Dali-daling umalis si Don Norman papunta sa kanyang opisina at tila gumuho ang mundo niya ng makitang gumuho din ang mga gusaling itinatayo ng kumpanya nila. Kasabay nito ang balitang ni raid ng PDEA at NBI ang barko nilang galing China na sana ay may dalang mga furnitures ngunit nakitaan ng mga shabu.

“Sir, the legal officer of the Armeda Group of Companies are threatening to sue regarding the incident. Should I call the company lawyer?” tanong ng sekretarya niya.

“No. I will take care of it Cassandra. Thank you.” sagot niya.

Hindi na niya alam kung paano niya aayusin ang lahat. Napa buntong-hininga na lamang siya.

“Gawin mo ito at sa isang kurap ay magiging pinakamayaman at pinaka makapangyarihan kang nilalang sa buong mundo.”

Muli niyang naisip ang sinabi ng anino.

Gustuhin man niya ang ninanais nito ngunit hindi niya magagawa ang pumatay ng tao. Paulit-ulit itong nasa isip ni Don Norman hanggang sa kanyang pauwi. Balisa siya. Aburido. Gusto niyang magalit sa sarili ngunit ...

“Aaaaaaaahhhhh!”

Pinagkunan

Nagulat siya sa narinig at muntik niyang masagasaan ang malaking kahoy ng mangga dahil sa kagustuhan niyang iwasan ang dalawa pang babaeng nasa gilid ng kalsada. Agad siyang bumaba ng sasakyan at nanginginig ang buong katawan niya ng makita ang isang babae na ngayon ay duguan na. Wasak ang ulo at kahit na dalhin man ito sa ospital ay hindi na rin mabubuhay.

Tinawagan niya kaagad ang sekretarya at ang kanyang abogado upang asikasuhin ang lahat. Hindi pa man nawawala sa isip niya ang nangyari ay nagpakita ulit sa kanya ang anino.

“Magaling kang pumili. Dahil jan, ang isang napatay mo kanina ay okay ng downpayment. Ipagpatuloy mo at gagantimpalaan kita.”

Gusto niyang sagutin at sumbatan ang anino ngunit biglang tumunog ulit ang kanyang cellphone.

“Sir, good news! We have settled the issue with the Armeda Group. Also, the NBI and PDEA could not find a valid probable cause to involve us with the drug case.” Puno ng kaligayahang sabi ng kanyang company vice president.

Dahil sa insidenteng iyon ay nagtuloy-tuloy ang paglago ng negosyo ng mga Serrano at nabaon sa utang na loob si Don Norman sa anino at ito ang utang na hinding-hindi niya kayang bawiin pa kailanman kahit hanggang sa kamatayan.

POV ni Nolan

Tok. Tok. Tok.

Pagkapasok ng taong kumatok sa pinto ay inikot ko ang swivel chair upang harapin ang babaeng kanina lang ay tinitingnan ko ang resume. Malalim ang aking paghinga dahil kaagad na nabalot ng kanyang mabangong amoy ang aking buong opisina.

Tiningnan kong maigi ang babae. Matangkad. Maganda. Pang sekretarya ang dating.

Pinagkunan

“Alright Ms. Trina, you may sit down.”

Hindi ko maalis ang aking paningin sa magandang dalagang nasa harapan ko. Ngunit pinigil ko ang aking sarili at pinilit na maging boss-empleyado lamang ang magiging takbo ng usapang ito.

“Pinatawag kita dahil nasabi sa akin na ikaw ay scholar ng kumpanyang ito na pinag-aral namin sa Harvard at nagkataong nangangailangan ako ngayon ng taong pwede kong maasahan dito sa opisina. Ang aking sekretarya ay biglang nawala kaya kailangan kitang magsimula na ngayon."

Tila may bahid ng inis ang mukha ng dalaga ngunit itinago niya ito sa malakas na tawa.

“Dahil may utang na loob ako sa kumpanyang ito at sinuportahan ako sa aking pag-aaral ay pwede na lang akong utusang gawin kung ano ibig ninyo ano?” Sarkastikong sagot nito sa kanya.

Nabigla ako sa sagot niya. Sanay akong palaging nakukuha ang gusto ko at kahit na kailan ay wala pang nakagawang hindian ako at sagutin ako ng pabalang. Ngunit, kakaiba ang babaeng ito.

Nagpatuloy ang aming sagutan ngunit ito ay nagugustuhan ko rin. Kakaiba nga ang babaeng ito.

POV ng tagapagsalaysay

Bakas sa mukha ni Wade na hindi pa siya nakakatulog. Masakit na ang kanyang ulo at hindi pa rin tumitigil ang mga bumubulong sa kanya.

“Iligtas mo si Trina,” ang paulit-ulit na sabi ng mga ito. Nag-aalala man siya ay hindi niya alam kung paano niya ito matutulungan dahil na rin sa wala siyang kilalang Trina ang pangalan.

Ipagpapatuloy...

Bilang ng salita: Saktong 1000

Mga Karakter

Karakter	Deskripsyon
Don Norman Serrano	Kung kanino nag simula ang sumpa
Nolan Serrano	Tagapagmana ni Don Norman Serrano
Wade	Nakakarinig ng mga espiritung nabiktima ni Nolan
Trina	Scholar ng kumpanya, bagong sekretarya. Love interest ni Nolan
Diablo at Anino	Nag-aanyong tao sa pamamagitan ni Nolan

Mga Elemento sa Kwento

Amulet/Anting Anting (singsing na ruby)
Rivalry o tunggalian( ang taong Nolan at ang dyablong Nolan)

Tema ng Ikalawang TagalogSerye

Gotiko - Kombinasyon ng "Fiction" "Katatakutan" at "Kamatayan"

Narito po ang bumubuo ng tatlong pangkat

Mga Pangkat
Unang Pangkat:
@cheche016 - Lunes
@julie26 - Martes
@rodylina - Miyerkules
@jazzhero - Huwebes
@jenel - Byernes

Ikalawang Pangkat:
@BeyondDisability - Lunes
@ailyndelmonte - Martes
@Valerie15 - Miyerkules
@jemzem - Huwebes
@itsmejayvee - Byernes

Ikatlong Pangkat:
@chinitacharmer - Lunes
@creyestxsa94 - Martes
@JassennessaJ - Miyerkules
@tpkidkai - Huwebes
@johnpd- Byernes

---

About the Author

If you want to know how Steemit influenced my life,
you may check my previous post here.

You can also check this post including this link for more Steemit tips.

I write fiction stories and poems too!
I would really appreciate it if you would check them out.

Also, please drop your comments and suggestions for my next post.
I would love to hear all your thoughts.

Let us make this interactive!

---

---

Oh, by the way, penny for my thoughts?

Mekeni Mekeni Dug Dug Doremi. Hahahaha!

Enjoy the rest of your day. Thank you for reading!