A WALK TO REMEMBER --

NOTE:
I thought A Walk To Remember was the saddest memoir of true love—until Patrick shared his own tragic love story with me. I’ve never heard pure love like his for the late Odessa who died last April. Love is really patient, kind and understanding. 😘 I was crying the whole time listening to him yesterday. I was still shaking as I wrote every word he said. I’ve never met a guy so still madly in love with a girl—who was never his girlfriend—even till now that she’s dead already.

A former Clash of Clans addict, a guy who used to spend most of his time either in the computer shop or basketball court and who was very open to his dislike with religious activities—was transformed into a better man by a secretive girl he first encounter in a bible study which he was just forced to attend to..

•••••••••••••••••••••••••••••••••••••••••••••••••••••••••••••

Katung pinaka first meeting natu, sa bible study, I thought sayop akong desisyon nga mo-attend. I was expecting to get bored. Dili man jod ko diyosnon. Dili man gane ko tigsimba. Mosimba ra kog pugson ko ni mama. Dili lage ko ganahan anang mga in-ana. Maypag magbasket or mag-COC.
Pero atu nga time, gipugos kong mama og apil sa bible study. Wa koy nahimo. Atul sad nagtanga rakos amoa. So mikuyog ko sa among silingan. Pagsaka namo sa balay sa iyang classmate, nagbinirahay pa mi. Di lage ko ganahan jod. Pero nakita tika. Nagpungko sa daplin. Naka-smile. Naghawid og bible. Simple ra kaayo ka, Yam. Way lipstick. Luspad pero gwapa. Atu nga time, nakasala siguro ko sa Ginoo kay tungod lang nimo na-excite ko moapil. Suddenly, ang bible study morag COC. Magkatol akong kamot og di ko kaduwa. Ikaw ang mi-lead sa prayer og you said, let‘s close our eyes. Pero unsaba nga imbes mopiyong ko, mitutok man nuon ko nimo samtang nagpiyong ka og nag-ampo. Nagform tag circle og nagholding hands og lagot kaayo ko sa among silingan kay siya imong kaholding hands. And when we started sharing the Word of God, active kaayo ka. Og ang among silingan, chansing kaayo. Halos idutdot na niya iyang nawng sa imo. Magpa as-if pa nga wa kadungog sa imo questions para makasandig siya nimo. Happy kaayo mo sa inyong discussions samtang ako, kasumbagon na niya. Og kabirahon na nimo. Misamot akong kalagot kay di ko kaistorya nimo. Nakaila ko sa imong name pero wa jod tika makaistorya. Pero sa pagpanguli na namu, wa ko kapugong, nangayo dayon ko sa imong number. But sadly, igo ra ka mi-smile og misakay nag motor. That night, ga-internet dayon ko para i-search tika sa facebook. Maayo na lang kay wa ka naglahi-lahi og name. Unya imo pong nawng imong profile. Gi-add dayn tika og message og, “Gud eves” with smiley. Ten minutes, mi reply ka. “Uy, ikaw man tung kaganiha sa bible study no? Gud eves pod.”

In-ani ta nag-start Yam, sa usa ka butang nga hate kaayo nako: Bible study. But somehow, sa nagkasuod ta, mas natagaan nakog panahon ang Word ni Lord. Bisag at first, tungod ra gyud nimo nganung mo-attend ko sa meetings. Until nga miabot ang time nga gi-invite ko nimo sa inyong church. Bisag di ko hilig mag-OOTD para simba, nagpagwapo ko kay Big day kaayo tu para nako. Nindot kaayo sa feeling nga gi-invite ko sa akong crush. Oo, Yam. Ingon sila fuckboi ko. Pero ikaw ra gyud ang akong na-crush-an, swear. Then sa inyong church mas naila pa tika, kung unsa ka. Na-amazed ko kay member diay ka sa Worship team. God, katu pako kadungog nimo mikanta. And I was stunned. Until nahuman ang Praise and Worship, nagtutok gihapon ko nimo. Wa ko kasabot sa akong gibati. Og sa mibalik naka sa akong tupad, wa ko kapugong, gigunitan nako ang imong kamot. Mipiyong ko Yam—mipiyong lang ko og miginhawag lawm. Malipayon kaayo ko that time.

Then until nagka-active nako sa bible studies og regular na sad ko nga naga-attend og prayer meetings. Sayo pa gane kaayo ko. Silang mama kung mangutana asa ko, akong tubagon mosimba? Mokatawa. Gihilantan ba kuno ko. Then didto lang nako na-realized Yam how much you’ve changed me for a very short period of time. Wa pa tay one month nagkaila pero morag years na. Suud na kaayo ta, Yam. To the point nga magchat-chat na ta about bible verses. Pero wa pa gyapon nimo ihatag imong number.

But despite nga wala tay tarong communication kay di ta kalugar og di pa jod ka pirme online, unya wa sad koy number nimo, I know nga special na ka para nako. Ambot nganu. Nahibong na lang gane ko nga ang mga babaye sa among school, dili na kaayo nako tagdon. And everytime mahuman ang klase, magdagan-dagan ko sa computer shop para i-check if mi-reply ba ka sa akong last message, or basin mi-seen lang. Payts na.

This went on for two months, Yam. Suddenly, ikaw na akong gikaadikan instead basket og COC. Gikasab-an na gane kos akong mga ka-team sa basket kay wa na daw koy apil-apil og duwa. Akong mga kauban sa COC, pastor na ang sungog nako. Yam, tungod nimo, nabag-o ko. Sauna tapulan kaayo ko molihok sa balay. Bahalag makuyapan si mama og syenagit, di ko maminaw. Pero sa dihang nagkaila ta, na-inspire ko. Mosugot na gane kog suhulan sa among silingan og kabog tubig para maka-kwarta para maka-chat tika. Yam, you changed me. Og tungod nimo, nagka-goal ko nga mahimong mas better pa nga version nako. Because gusto ko nga ma-change imong first impression nako, nga adik-adik ko. And yes, adik ra man gihapon ko—but this time, lahi na ang akong gikaadikan dili na basket, COC or unsa pa—ikaw na.

Yam, we went that way for 3 months. I know ani nga time sure nako nga naa jod koy feelings para nimo. Pero ambot ang akong pagka-chickboy nawagtang. Pag magkuyog ta, mora kog manalaw. Di ko katingog halos. Mututok ko nimo pero kadyot ra kay mauwaw ko nga ambot pa. Basta, sa tanan-tanan babaye, ikaw ray makain-ana nako. Naabot ang time nga birthday nako. Wa tika ingni kay lage, wa man sad ka nangutana. Wa man sad koy handa kay lage, wa man sad mi kwarta. Pero Yam, you did the most unforgettable gift, giadto ko nimo sa amoang house, with our Pastor og kamo moy nagdalag pagkaon og cake, para nako. Imbes ako dapat ang magpakaon ninyo.

Yam, my nineteenth birthday was the most memorable birthday kay na-celebrate nako with you. Wala ko ga-expect, in-atu ka ka thoughtful. Na-touch kaayo ko sa imong gibuhat. Og sa dihang mamauli namo, first time nga mi-hug ka nako. Og naa kay gitunol nako gamay nga card. Naa didto imong number. Og wa ko naglangay panghuwam og cellphone sa akong Ate kay naguba man akoa at that time. Duha man sad ang cellphone ni Ate. Gipugos nako siya nga ako say gamit sa keypad. Kay birthday lage tawn nako, misugot man sad sya. Pa-load dayon ko Yam. Unli-call kay same ra man tag network. Gitawagan dayon tika. And when you answered my call, wa nako naglangay sa pag-ask nimo if pwede ba tika mahimong girlfriend. “You said no.”

Og that was the biggest mistake nga akong nabuhat, Yam. Maybe I have frightened you. Wa naka mi-call balik. Wa nay text. It happened Wednesday night so hangtud domingo kog hinulat para magkita tag balik, to say sorry. But wala ka sa church. Kadumdom tuod ko sa inyong lugar pero dili ang exact address. Akong gibuhat, nagpabaga kog nawng kay Pastor. Human sa service, giduol nako sya og nag-ask sa imo complete address. Wala na lang ko mi detail nganu basta naa lang koy tuyo nimo. Thankfully, gihatag ra sad niya. On my way sa inyuha, naghuna-huna ko how secretive you are. Months na ta nagkaila but gamay ra kaayo kog nahibal-an about nimo. Never pa gane nako na-meet imo family. Except sa mga photos sa facebook.

I finally came to your home that Sunday afternoon. Pero naabtan nako didto imong stepfather, hubog. Kinsa kuno ko? Nganung nangita ko nimo? Uyab ba kuno ta? Ang ending—wa sya kabalo asa ka. Bisag nag-madre na daw. Joke pa niya unya gisirhan ang purtahan. Wa ko kalihok. Nangunot akong agtang sa batasan sa imo stepfather. Basig wa pa ko kaila niya, naka-decide nako nga bati syag batasan. Maayo na lang inyong silingan, mitug-an asa ka. Naa daw ka sa tabay sa unahan. Nag-unsa? Then natubag akong pangutana. Nakita tika sa tabay nga nagyaka sa semento, nag-atubang sa daghang labhunon. Morag gikumot akong kasing-kasing sa kasakit nga in-ani diay imong kahimtang. Wa ko ga-expect Yam, nga sa likod sa imong mga ngisi og katawa, naa diay kasakit.

Miduol ko nimo og migakos. Sige kog sorry, sorry, sorry. But mikatawa ra ka, as if naay kataw-anan. Unya nasuko nganung miadto kos inyo. Then nagka-talk ta. Gitabangan tikag laba para madali ka og mipalit kog pagkaon kay wa pa diay kay paniudto nga magalas-dos na. Naluuy kaayo ko nimo sa pagkabalo nako nga maong usahay maka-absent ka sa Church kay walay mobantay sa imong mga manghod. Imong mama mamaligyag isda sa merkado og kadlawn pa lang tua na siya didto. Imong stepfather, mokuyog lang og ganahan or if di sya hubog. Mi-stay kos inyuha og pila ka oras until migabii na. Di pa unta ko ganahan mouli pero nasuko naman imong stepfather. Samtang nagsakay kog jeep pauli sa amoa, naka-realize ko nga wa nakoy laing gusto except nga kwaon tika sa inyuha aron makapahuway naka sa mga kakapoy.

Yam, at first, nasuko ko nimo kay gibasted ko nimo. Pero na-realized nako later on nga naa kay reasons nganung di pa ka ready. Gusto nimo nga matabangan imong mama og mga manghod. Didto nako na-realized nga dili nako mabuhi kung mawala ka. Thats why, naningkamot kog eskwela. Until nakahuman kog vocational.

Two years, Yam. Two years kong nanguyab nimo. Two years pod ko nimo gibasted. Mahadlok ka. Di ka ready. Mas importante imong pamilya. Og gisabot tika. Love na kaayo tika para mogive-up ko nimo. Dili nako pwede buhian ang only girl nga nakapabag-o nako. And you became my inspiration. Nakatrabaho ko. Nakatabang ko sa akong pamilya. Sige na sad kog adtu2 sa inyuha. Wala nako nag-COC kay nalimtan na nako akong password. Tagsa na lang sad kaayo ko moduwag basket. Suod nami sa imong mama og mga manghod. Basin imong stepfather, dili na magbagolbol if molaag kos inyuha. I thought jod okay na ta. Nga ready naka.

But dili pa diay gihapon. Grabe akong pasensiya og paghuwat. Nanguyab ko sa imong mama og stepfather, mihilak ko sa ilang atubangan. Nagpabaga kog nawng, tanan—akong gibuhat kay di na nako kaya nga hangtud friends ra gyud ta. Nakasabot sila nako, Yam. Og nagkaistoryahanay na sila og ang akong mama. Ikaw na lang Yam. Ikaw na lang.

Nagtrabaho na sad ka, pila ka months after sa Gaisano. Cashier. Hatod-sundo tika bisag naa sad koy trabaho. Mangutana ang mga tawo, uyab ba kuno ta. Mopahiyom ra ka samtang ako, lami na kaayo isyaget nga Yes! Uyab tika, Yam. Until valentines day came. Overtime tang duha. Alas-dose nako nakauli sa amo pero miadto ra gihapon ko sa inyu. Nagda kog cake, flowers og chocolate kay kahibaw ko nga ganahan kaayo ka tagaan tikag gifts bisan usahay moreklamo ka og moingon maypag gipalit bugas...But walay tawo sa inyu. And then inyong silingan nakamata sa akong kabanha sigeng tuktok sa pultahan. She gave me the most terrifying news in my life.

Twenty minutes later, naa na ko sa hospital. Naa na diay ka sa emergency room. Brain dead daw, ingon imong mama. Naunsa siya? Halos ako nang idasok imong mama sa kalagot. Ingon siya igo ra kuno ka nakailis og sanina gikan sa trabahuan. Unya mikalit lang kag katumba. Mora kog mabuang sa akong gibati. Nakig-away pako sa mga nurse kay gusto ko makakita nimo, kung okay ra ba ka despite nga unconscious ka. Pero gibira lang ko sa ilang gwardiya og wa koy nabuhat kundi ang magpaso-paso sa hallway morag buang.

Yam, I’ve learned naa kay gitaguan nga sakit. Even imong mama og stepfather na shock sa diagnosis. For years, imo ning gitago namo. Wala mi idea nga naa na diay kay gipamati. I told the doctors kung pwede, i-revive pa ka. But the coma lasts for weeks. Until one morning, nakamata na lang ko nga bugnaw na kaayo ka. Og wa na nagginhawa. You never recovered from the coma. You never woke up again. The last memory of you that I had in mind, katung gisungog ta sa imong mga kauban nga uyab..

Yam, unfair kaayo ka. Wala na gane ko nimo sugta, gibyaan pa gyud ko nimo. Wala man lang ka miingon nga love pod ko nimo. Igo ra kas pahiyom pirmi. Yam, pastang sakita. Mag-one month na since gilubong ka pero Yam, every day og every night, magminatay kog hilak. Sige ra kog lantaw sa atung mga pictures. Sa bible nga imong gihatag nako. Yam, nganu man? Nganu kinahanglan pa man nga mawala ka? Okay ra unta nako, dawat nako nga dili gyud kita basta buhi lang unta ka. Pero karon...Wala na ka. Mibiya ka nga ingon atu lang. Sakit kaayo. Sakit. Sakit. Sakit...

Ang only girl nga nakapabag-o nako, ang babaye nga nakapaduol nako sa Ginoo, nagpalayo nako sa mga bisyo, sa barkada, sa tanang bad influence aning kalibutana, wala na. Yam, unsaon man nako pagmove-on? Unsaon man tika paglimot? Kada mosimba ko, magminatay kog hilak labi na sa Praise And Worship kay ikaw akong mahinumduman? Yam, unsaon nako pagwala ang love nga naa sa akong dughan para nimo kung kada adlaw, kada adlaw wa koy mahuna-huna kundi ikaw? Yam, nganu man? Nganu man? Nganung unfair kaayo ka?

Yam, if gisugot ko nimo. If wala ka nahadlok, maybe napangitaan pag paagi nga mabuhi paka. Maybe dili ni mahitabo because you know andam ko nga buhaton ang tanan para nimo. But maybe you’re meant to be His. Not mine. Yam, di na siguro tika mailisan pa. Bisag unsaon nako, wa jod koy maikakumpara nimo. Yam, di ko sure kung kanus-a nako madawat ang kamatuoran nga wa naka. Og wa gyud koy plano Yam. Para nako, nag-iisa ka. Og bisan sakit, antuson nako. You Are Mine forever Yam og I know nga love ko nimo bisan nahadlok kag admit. I felt it sa mga smile nimo, everytime motutok ka nako...

I thought attending that Bible study almost three years ago now was a bad decision, it turned out otherwise. I’ve met the girl of my dreams, fell in love with her, decided to offer my life to her with Jesus as my witness. But now she’s gone. Yam, salamat na lang sa pag-abot sa akong kinabuhi, sa pagbag-o nako, sa tanan-tanan....Rest in peace. You will always be loved and remembered.