Word Poetry Challenge #1 : Larawang Kupas

fherdz (62)in #wordchallenge • 6 years ago

Tuwing mamamasdan ang larawan ni Amang,
Ako'y dinadala sa mga alaalang mahirap kalimutan,
Sa silid na maalinsangan, tagpong binabalik-balikan.
Isang gabing magdamagang usapan,
Pinawi ang tampo dahil pagbisita na ay madalang,
Dahilan ay trabaho sa ibang bayan.

Tahimik sa isang sulok na siya'y pinagmamasadan,
Pagpatak ng luha ay pilit pinipigilan,
Ngunit matalas ang kanyang pakiramdam.
Kaya't tanong niya anak ikaw ba yan,
Sabay bigkas sa aking pangalan na walang pag alinlangan,
Sa boses ko'y kabisadong kabisado at may kasiguraduhan.

Kislap at nining ng mata'y ibang iba na,
Walang ka kurap-kurap at maluha-luha,
Dumodurog sa puso ko ngunit walang magawa.
Gusto man akong abutin at yakapin ngunit ito'y manina na,
Kamay nanginginig ang humaplos sa aking mukha,
Kahit napapangiwi pero di alintana ang sakit na iniinda.

Pero bakas sa kanyang mukha ang tuwa at saya,
Sa mga mata ay nangigilid na mga luha,
Habang tinatago ang sakit na nadarama.
Matagal na karamdaman at ika'y pinahihirapan,
Sakit na dumapo ay dina kinaya at mata'y binulag na,
Dahilan ng pagtanda at panghihina.

Kupas na larawang pinalabo nang pahanon,
Iniwang bakas ay sariwang-sariwa pa din,
Ang alaalang nakatago sa aking puso at isipan.
Pagmamahal ng isang ama ay walang katumbas,
At ipinadama hangang sa huling hininga.
Isang kayamanang kahit kailan di makakalimutan.

Salamat sa isang larawang kupas,
At may pagkakataon na muling gunitain at balikan,
Ang isang gabing huling nakasama ka.
Tandang tanda ko pa pukol na tingin ay kakaiba,
Ngumiti ka sa akin at mata'y marahan na isinara,
Hudyat na pala ang pamamaalam natin sa isa't isa.

ALAALA NG AKING AMA
Tuluyan mang kumupas o mabura ang mga larawan.
Hinding hindi ka namin makakalimutan,
Dito sa aming Puso 'di mabubura kahit kailan.

Maraming salamat, hanggang sa muli

Ito po ay aking inilahok sa patimpalak ni @jassennessaj na mababasa
Dito Larawang Kupas

Please support @surpassinggoogle as a witness, Please vote him at https://steemit.com/~witnesses and type in "steemgigs" at the first search box.

(Photo credits: from sir @surpassinggoogle's post footer)

If you want to give him witness voting decisions on your behalf, visit https://steemit.com/~witnesses again and type in "surpassinggoogle" in the second box as a proxy.

(logo created by @bloghound)