Haba Biasa, #pehtem Saja😊

Saleum Rakan Steemit Meutuwah😉

Assalammua'alaikum Warahmatullahi Wabarakatuh

so hana seu'ot saleum jak nyou?

---

Kiban ka haba sagoe nyan? Uloen Tuwan Alhamdulillah sihat, meusyen keu aneuk keumuen dan ureung chik mantong tertanggulangi ngen wa atawa talipun. Ooh... Loen pike keu Steemit nyou na, macam dum bahan calitra jeut ta peugot. Tapi kadang2 han rhoih sagai ta tuleh mandum, saweub suwah ta jaga chit bek tanyou sasabee nyang teumeung upvote😊 miseu lhang si urou ta posting, watee hana ta posting jatah tanyou di jok keu gob nyang peureulee keu upvote kadang yaa?

Almarhum Bang Yon Thayroen, Allahummaghfirlahu warhamhu wa'afihi wa'fu'anhu

---

Hana teurasa ka 4 thon Bang Yon ka geu tinggai donya, miseu mantong udeep geuh, aleh kiban reaksi gobnyan keu keujadian di Republik lam padum minggu ka lewat. Bhah ureung inong geu peugot cerita dusta nyan, bencana geumpa tsunami atawa bhah gubernur nyang akan sigra tamong pengadilan. Uloen Tuwan, hana trep keurija ngen Almarhum nyou, tapi kop jai ileumee loen teumeung. Dari Gobnyan Uloen Tuwan thee bahwa Uloen Tuwan na masalah brat watee peugot berita atawa peu paih calitra. Saweub gob nyan lah, Uloen Tuwan jadi hana mudah teupengaroih ngen haba cicem atawa radio meugigoe. Sasabee suwah usut pareksa dilee sigalom tulak haba keu khalayak teuma.

Mungken hana mandum ureung Aceh meuturi so gobnyan, asai gampong geuh di Meulaboh tapi di seumiyup hideh di Medan. Awai geu keurija bak Radio Flamboyant di Banda Aceh, alheuh nyan geu minah u Medan dudoe Jakarta. Nyang agak trep geu keurija bak program Internews Indonesia sebagai Reporter. Gobnyan na tom geu liput bajak laot di selat malaka, human trafficking di entikong, Kalimantan dan terakhe sigalom abeih umue geuh saweub saket, na Geu tuleh Buku ttg Jokowi, Walikota Rock 'n Roll. Troih urou nyou.. han loen teumeung lom buku gobnyan.

Foto Thon 2013, watee Uloen Tuwan mantong keurija bak Komisi Informasi Aceh, teungoh persiapan pembukaan Rakornas Komisi Informasi oleh TGB di Lombok

---

Alhamdulillah, ureung lam foto di ateuh nyan manting udeep mandum, adak pih ka hana sapat lembaga lee. Nyan lam kawan nyan.. na sidrou ureung nya na tom meurumpok penghargaan dari Presiden saweub geu donor darah leubeh nibak sireutoih go ka👍 padahai... Gobnyan na peunyaket keulainan jantong dari manyak kon. Watee ta pikee keulayi... kok tanyou nyang sihat, han ta tem donor darah? Uloen tuwan kop brat harouk jak sumbang darah watee na ureung peureulee, tapi sasabee han ji tueng lee awak PMI nyan. Kiban di teujeut cok darah tanyo teuma? Hb sasabee dibawah normal😔 kiban han? Inohat beungoh mantong jaga teuh?

na lawak mas lakoe loen?

---

Kamoe nyou, hay meukeusud loen mas lakoe @dipoabasch ngen Uloen Tuwan syit sasabee dalam keadaan bergembira 😊 adak pih rukok ka abeih, suwah jeip kupi kapai ngop saweub kupi Gayo ka abeih stock, hana jak sahoe saweub hansep beulanja, tapi na saja buet peugot khem😂 nyan gamba di ateuh nyan teungoh istirahat geu grinda aleu, Uloen Tuwan yu sok masker ngen kacamata reben na bek ji pho abee lam babah atawa mata geuh😎 jeeiihh.. langsong geu cok peujampoh geu peugot gaya, panee na preih 2 go leuho teuma tanyou sasabe na hape sajan teuh 😂😂😂 jeut chit keu ta khem2 watee ta kalon pajan2.

adak lawak meunan, geu tem chit mas lakoe loen jak peugot seudia atra lagee nyou keu Uloen Tuwan oh beungoh

---

Teuma i drou neuh, pajan tom neu seudia bu beungoh keu mak sinyak neuh? Kiban... Galom na mak sinyak? Nyang keu padum galom na? 😂😂😂 oman rhap poh 2 beungoh😂 malam jum'at lom. Ka jeut jak tueng ie seumayang aju... bek neu baca lee haba #pehtem nyou beuh.

latarkabunna thabaqan 'an thabaqin : sesungguhnya kamu melalui tingkat demi tingkat (dalam kehidupan) Al Insyiqaq-19

Mandum na watee drou teuh, udeep, matee, sosah, seunang, saket, sihat, kaya, gasien, sep han sep...mandum ka Geu ato lee Po teuh Allah. Peubuet ibadat dan beurayeuk saba nyan bacut gunci udeep seunang yoh uroe dudoe. Bek karat that donya.. peu lom Steem atawa SBD beuh 😉

OKMK... WASSALAMU

kacamata baro, jadi bek hireun miseu nak eh pih tuwo buka 😂😂😂😂

---