Ang dami mo palang nilaro noong araw kaibigang @twotripleow. Ako naman ang una kong natutunan na laro sa online ay ang Red Alert taong 1998 noong ako ay first year college.

Bukod doon nilalaro ko din ang Counter Strike noong mga panahon na yun. Isama mo pa ang Worms Armaggedon, StarCraftII, Battle Realms, at Diablo II.

Taong 2003 naman ng nilaro ko ang Ragnarok. Sa lahat ng mga laro na nabanggit ko ay sa Counter Strike ako naadik.

Buhat ng mag-graduate ako natigil ako sa paglalaro ng mga online games gawa ng walang allowance at nag-aapply na ako ng trabaho noon.

Taong 2012 naman ng mag-umpisa akong maglaro ng CrossFire. Ang CrossFire ay kagaya din ng CounterStrike (CS GO na ngayon). Ang CrossFire ay hango sa game engine ng Counter Strike.

Sa ngayon ang aking rank sa CrossFire ay Major (Full level), isang kembot na lang at magiging Lt. Colonel na ang aking rank, isang baitang na lang para maging Eagle (Colonel).

CrossFire ang first ever na game na gumamit ako ng E-coin para bumili ng character na SOV, yun na ang una at huling kong gastos sa laro.

Mga taong 2014 naman ng maglaro ako ng Clash of Clans at Boom Beach, Clash Royale naman noong 2016.

Nakapaglaro din ako ng Farmville sa Facebook ng ilang linggo noon. Sa ngayon ang nilalaro ko na lang paminsan-minsan ay ang Clash of Clans at Clash Royale.

Masarap balikan ang nakaraan lalo na noong ating kabataan.